ବାୟୋଗ୍ୟାସ୍ ପାଇଁ ‘ଗୋବରଧନ’ ଯୋଜନାକୁ ମନ୍ତ୍ରିମଣ୍ଡଳର ଅନୁମୋଦନ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍ କମିଟି ବୈଠକରେ କମ୍ପ୍ରେସ୍ଡ ବାୟୋଗ୍ୟାସ୍ (CBG) ଉତ୍ପାଦନ ପାଇଁ ‘ଗୋବରଧନ’ ଯୋଜନାକୁ ଅନୁମୋଦନ ମିଳିଛି। ୨୦୨୬-୨୭ ରୁ ୨୦୩୫-୩୫ ପର୍ଯ୍ୟନ୍ତ କାର୍ଯ୍ୟକାରୀ ହେବାକୁ ଥିବା ଏହି ଯୋଜନା ପାଇଁ ସରକାର ପ୍ରାୟ ୨୩,୭୩୧ କୋଟି ଟଙ୍କାର ବ୍ୟୟ ଅନୁମାନ କରିଛନ୍ତି।
ଏହି ଯୋଜନା ଅଧୀନରେ କୃଷି ବଳକା, ଗୋବର, ଏବଂ ନଗରପାଳିକା ଅଞ୍ଚଳର ଜୈବ ବର୍ଜ୍ୟ ପଦାର୍ଥରୁ ସ୍ୱଚ୍ଛ ଇନ୍ଧନ ଉତ୍ପାଦନ କରାଯିବ। ଦେଶରେ କମ୍ପ୍ରେସ୍ଡ ବାୟୋଗ୍ୟାସ୍ ଉତ୍ପାଦନକୁ ୧୦ ଗୁଣା ବଢ଼ାଇବା ଏହି ଯୋଜନାର ପ୍ରମୁଖ ଲକ୍ଷ୍ୟ ରହିଛି।
ଏ ସମ୍ପର୍କରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ବାୟୋଗ୍ୟାସ୍ ପ୍ରାକୃତିକ ଗ୍ୟାସ୍ ପରି ସମାନ ଭାବେ ପ୍ରଭାବଶାଳୀ ଏବଂ ଏହା ଘରେ ବ୍ୟବହୃତ ଅନ୍ୟ ଗ୍ୟାସ୍ର ପର୍ଯ୍ୟାୟବାଚୀ ହୋଇପାରିବ। ସେହିପରି ପ୍ରତ୍ୟେକ CBG ପ୍ଲାଣ୍ଟ୍ ଦ୍ୱାରା ନୂତନ ନିଯୁକ୍ତି ସୁଯୋଗ ମଧ୍ୟ ସୃଷ୍ଟି ହେବ।
ଯୋଜନାରେ ପ୍ରକଳ୍ପ ସ୍ଥାପନ ପାଇଁ ପୁଞ୍ଜି ସହାୟତା, ପାଇପ୍ଲାଇନ୍ ଭିତ୍ତିଭୂମିର ବିକାଶ ଏବଂ ଋଣ ଗ୍ୟାରେଣ୍ଟି ସହାୟତା ଯୋଗାଇ ଦିଆଯିବ ବୋଲି ସରକାର ପକ୍ଷରୁ କୁହାଯାଇଛି।
